एथलेटिक्सको महिला १०० मिटरमा सुनसरीकी नेहा चौधरीले प्रथम स्थान हात पार्दै सातौ राष्ट्रिय खेलकुद प्रतियोगिताको लागि पूर्वाञ्चलबाट छनोट भएकी छिन् । त्यसै गरि उक्त प्रतिस्पर्धामा सुनसरीकी विविषा निरौला दोश्रो र धनकुटाकी विनित लिम्बु तेश्रो भए । यस्तै ८ सय मिटरमा सुनसरीका एशोधा चौधरी सप्तरीकी रेनुका चौधरीलाई पछाडी पार्दै सातौको लागि छनोट भईन् । खोटाङ्गकी सर्मिला कार्की तेश्रो भईन् । ५ हजार मिटरमा खोटाङ्गकी द्रिपा बस्नेत प्रथम, सोलुखुम्बुकी सरस्वती खड्का राई द्वितिय र खोटाङ्गकी सवलम्बु शेर्पा तृतीय भईन् ।
यस्तै पुरुष १०० मिटरमा श्याम कुमार चौधरी सुनसरीले राहुल माझी मोरङ्गलाई पछि पार्दै प्रथम स्थान हात पारे । तेश्रो स्थानमा सप्तरीका अमिर कान्त चौधरी रहे । ८०० मिटरमा प्रकाश दनुवार झापाले सन्देश पावर संखुवा सभालाई पछि पार्दै सातौमा स्थान पक्का पारे । मोरङ्गका ओम प्रकाश शाह तृतीय भए । ५ हजार मिटरमा ते¥हथुमका उमेश कदङ्गवा पहिलो भए । उनले पाँचथरका हर्क बहादुर लोहागनलाई पछाडी छोडे । सुनसरीका खिम लिम्बु तेश्रो भएको नारायणहरी थापाले जनाएका छन् ।