सार्वजनिक संस्थान खेलकुद विकास संघ नेपालको आयोजनामा दसौं सार्वजनिक संस्थान खेलकुद प्रतियोगिता मंगलबारदेखि हुने भएको छ ।
प्रतियोगितामा पुरुष भलिबल, टेबलटेनिस र बुद्धिचालमा प्रतिस्पर्धा हुने आयोजक संघका अध्यक्ष कुलबहादुर आचार्यले आइतबार आयोजित पत्रकार सम्मेलनमा जानकारी गराए । विभिन्न १७ संस्थाका २ सय ४५ खेलाडीको सहभागिता रहने संघका संघका महासचिव रामविनय श्रेष्ठले बताए ।
भलिबल त्रिपुरेश्वरस्थित राष्ट्रिय खेलकुद परिषद्को कभर्डहल तथा टेबलटेनिस र लैनचौरस्थित राष्ट्रिय टेबलटेनिस प्रशिक्षण केन्द्रमा हुनेछ । तीनदिने प्रतियोगिता सञ्चालन गर्न करिब ७ लाख ५० खर्च हुने आयोजकको अनुमान छ ।