आठौ सहवीर स्मृती खुल्ला लनटेनिस प्रतियोगिताको ३५ वर्षमाथिको भेट्रान्स एकलतर्फ काठमाडौका महेश श्रेष्ठ विजयी भएका छन् । उनले बिहिबार सम्पन्न प्रतियोगिताको फाइनल खेलमा सिन्धुपाल्चोकका छेवाङ्ग लामालाई ६–३, २–६ र १४–१२ ले पराजित गरे । ३५ वर्षमाथिको भेट्रान्स युगलतर्फको फाइनल खेलमा ललितपुरका श्रीराम मगर र महेश श्रेष्ठको जोडी विजयी भएको छ। यो जोडीले काठमाडौका चन्द्र शाही र शोभियतमान श्रेष्ठको जोडीलाई ३–६, ६–२ र १०–६ ले पराजित गरेको थियो ।
भेट्रान्स एकलतर्फको फाइन खेलमा नेपाल एपीएफ क्लवका कृष्णराज घलेले काठमाडौका मनोज शाहलाई ६–२, ६–३ ले पराजित गरी विजयी भएका छन् । ६५ वर्षमाथि भेट्रान्स एकलतर्फको फाइनल खेलमा त्रिभुवन आर्मी क्लवका भिक्टर राणाले सोही क्लवका भरत रायमाझीलाई ८–५ ले पराजित गरी विजयी भएका छन् ।
इन्टर गभर्मेन्टल सर्भिस युगलतर्फको फाइनल खेलमा त्रिभुव आर्मी क्लवका चन्द्र थापा र निराजन श्रेष्ठको जोडीले नेपाल एपीएफ क्लवका दुर्जकुमार राई र त्रिभुवन आर्मी क्लवका प्रदिप विक्रम शाहको जोडीलाई ६–७, ६–२ र १०–६ ले पराजित गरी विजयी भएका छन् ।
पुरुष युगलतर्फको फाइनल खेलमा फोहोरा दरबारका कमल अधिकारी र ललितपुरका जितेन्द्र परियारको जोडीले काठमाडौका समरक्षणभूषण बज्राचार्य र सक्षम कार्कीको जोडीलाई ६–४, ६–० ले पराजित गरी विजयी भएका छन् ।
५५ वर्षमाथि भेट्रान्स एकलतर्फको खेलमा ललितपुरका मनोज संशेर जबरा र दार्जिलिङ्गका देवन लामा सेमिफाइनलमा प्रवेश गरेका छन् । जबरा र दार्जिलिङ्गका पेमा टासीबीच भएको पहिलो खेलमा जबरा ४–४ ले विजयी भएपछि टासीले खेल छाडेका थिए भने अर्को खेलमा देवन लामाले काठमाडौका ध्रुव गुरुङ्गलाई पहिलो खेलमा ६–४ ले पराजित गरेपछि गुरुङ्गले खेल छाडेका थिए ।