भूकम्पपीडितको सहयोगार्थ दौडिएका धावक राम सुन्दर कार्की, राज प्रधान, नारायण आचार्य र डेविड जे. इन्ग्रामको दौड यात्रा सम्पन्न भएको छ । ललितपुरको टौखेलदेखि दोलखासम्मको करिब १ सय ४८ किलोमिटर दूरीको दौड यात्रा उनीहरुले दुई दिनमा पूरा गरे ।
गत बैशाखको भूकम्प कारण पीडित दोलखाको चरिकोटस्थित गौरीशंकर बाल गृहमा आश्रित अनाथ र असाहय बालवालिकाकालागि दुई कोठे भूकम्प प्रतिरोधात्मक भवन निर्माण गर्न आर्थिक सहयोग जुटाउने उद्देश्यले उनीहरुले दौड सुरु गरेका थिए ।