हङकङमा हुने अन्तराष्ट्रिय भलिबल प्रतियोगितामा प्रशिक्षक भएर काम गर्नको लागी न्यु डायमन्ड एकेडेमीका प्रशिक्षक कुमार राई बिहिवार राती हङकङ प्रस्तान गरेका छन् । हङकङमा हुने खुला राष्ट्रिय पुरुष भलिबलको आयोजक सङखुवासभा तमु समाजको प्रशिक्षकको रुपमा टिम समाल्ने अवसर राईले पाएका हुन । बिहिबार साझ अन्तर्राष्ट्रिय बिमान स्थलमा शेर बहादुर खड्का स्मृति प्रतिष्ठानका अध्यक्ष रन्जन खड्काले राईलाई बिदाई गरे । महिला भलिबलका चर्चित प्रशिक्षक राईले पहिलो पल्ट विदेशी प्रतियोगितामा प्रशिक्षकको रुपमा पुरुष टिमलाई प्रशिक्षण दिनेछन् बिदाई पश्चात राईले महत्वपुर्ण अवसरको रुपमा लिएको बताउदै भने प्रशिक्षकको रुपमा काम गर्न पाउँदा खुसी छु, हामीले विदेशमा प्रशिक्षण दिन पाउनु ठुलो कुरा हो । प्रशिक्षण गर्ने अवसर दिएकोमा आयोजक तमु समाजलाई धन्यवाद दिदै राईले थपे मेरो लक्ष्य टिमलाई च्याम्पियन बनाउने हो । आयोजकको टिमबाट माल्दिभ्सका राष्ट्रिय खेलाडीले खेल्न लागेको आयोजकले बताएको छ । प्रतियोगितामा सहभागी हुनको लागी राईको सम्पुर्ण खर्च आयोजक तमु समाजले ब्यहोरेको छ । राई करिब एक दशक देखी घरेलु भलिबलमा उत्कृष्ट प्रदर्शन गदै आएको न्यु डायमन्डको प्रशिक्षक हुन ।