सीसीआरसी ‘बी’ र नासाप्रथम स्किम्स खुला थ्री बाइ थ्री छात्र बास्केटबल प्रतियोगितामा शनिबार सेमिफाइनलमा प्रवेश गरेका छन् । महाराजगन्ज, चक्रपथस्थित आयोजक स्किम्सको कोर्टमा भएको क्वाटरफाइनलमा सीसीआरसीले पीबीएसलाई २१–६ ले पराजित ग¥यो । विजेताका आशिष बस्नेतले ११ अंक जोडे । प्रसाङ मास्केको ८ अंक सहयोगमा नासाले एक्सआईसी वारियर्सलाई १७–१० ले हरायो ।
गोल्डेनपिक र एचएचसीए पनि सेमिफाइनलमा स्थान सुरक्षित गर्न सफल रहे । गोल्डेनपिकले लुम्बिनीलाई २०–१३ ले पाखा लगायो । गोल्डेनपिकको जितमा सन्जोक रावतले ९ स्कोर गरे । एचएचसीएले भ्याली पब्लिकको चुनौती ९–८ को साँघुरो अन्तरले समाप्त पा¥यो । एचएचसीएका रुपेश खड्काले ६ अंक जोडे ।
सेमिफाइनलमा गोल्डेनपिकको भेट नासासंग हुने छ भने एचएचसीएले सीसीआरसीको सामना गर्ने छ । सेमिफाइनल र फाइनल प्रतियोगिताको अन्तिम दिन आइतबार हुने छ ।