राष्ट्रपति रनिङ शिल्ड खेलकुद प्रतियोगिताअन्तर्गत आईतबारबाट बिरगञ्जमा सुरु हुने मध्यमाञ्चल क्षेत्रीय छनोट प्रतियोगितामा सहभागी हुन जाने काठमाडौं जिल्लाका खेलाडीको बिदाई गरीएको छ । शनिबार काठमाडौं जिल्ला खेलकुद विकास समितिद्धारा आयोजित कार्यक्रममा स्थानिय विकास अधिकृत (एलडीओ) गोपाल प्रशाद अधिकारीले खेलाडी तथा पदाधिकारीको बिदाई गरेका हुन् ।
एलडिओ अधिकारीले काठमाडौं जिल्ला खेलकुद बिकास समितीका अध्यक्ष ध्रुवराज न्यौपानेलाई नेपाल र जिल्ला खेलकुद बिकास समितीको झन्डा हस्तान्तरण गरी टोलीको बिदाई गरेका थिए । त्यस अवसरमा एलडीओ अधिकारीले खेलाडीलाई सफलताको लागी शुभकामना समेत दिएका थिए । दुई दिने छनोट प्रतियोगितामा काठमाडौं जिल्लाबाट बिभिन्न आठ खेलमा गरी ८० खेलाडीले सहभागीता जनाउदै छन् । काठमाडौं जिल्लाले क्षेत्रिय छनोट प्रतियोगिताअन्तर्गत कबड्डी, एथलेटिक्स, भलिवल, तेक्वान्दो, उशु, कराते, फुटवल र क्रिकेटमा सहभागीता जनाउने छ ।

।