युवा तथा खेलकुद मन्त्रालयको तत्वावधानमा राष्ट्रिय खेलकुद परिषद् (राखेप) द्वारा आयोजित आठौं राष्ट्रिय राष्ट्रपति रनिङ सिल्ड विद्यालय खेलकुदको पहिलो दिन भएको फुटबल  खेलमा छात्रतर्फ पश्चिमाञ्चल फाइनलमा प्रवेश गरेको छ । पश्चिमाञ्चलले मध्यमाञ्चललाई टाइब्रेकरमा ४–२ गोलले पराजित ग¥यो । निर्धारित समयको खेल १–१ को बराबरीमा सकिएको थियो ।
छात्रकै अर्को खेलमा मध्यपश्चिमाञ्चलले पूर्वाञ्चललाई २–० ले हराउदै सेमिफाइनलमा स्थान सुरक्षित ग¥यो । विजेताका दीपकसिंह ठकुरीले दुवै गोल आफ्नो नाममा लेखाए । छात्रामा मध्यमाञ्चलले पश्चिमाञ्चललाई २–१ ले पाखा लगाउदै सेमिफाइनलमा पुग्यो । विजयी टिमका लागि रजनी ठोकर र मेनुका आले मगरले १–१ गोल गरे । पश्चिमाञ्चलकी तिलकुमारी विरकट्ठाले सान्त्वना गोल गरिन् ।