रेगन श्रेष्ठ र अमन कार्की दोश्रो रंगशाला राष्ट्रव्यापी खुला स्नुकर प्रतियोगितामा शनिबार सेमिफाइनलमा प्रवेश गरेका छन् । उनीहरुसंगै विकास श्रेष्ठ र राज कपाली पनि अन्तिम चारमा स्थान सुरक्षित गर्न सफल रहे ।लैनचौरस्थित राष्ट्रिय टेबलटेनिस प्रशिक्षण केन्द्रमा भइरहेको प्रतियोतिाको क्वाटरफाइनल रेगनले वाङछु तामाङलाई ५–४ तथा अमनले सोम लामालाई ५–१ ले पराजित गरे ।
‘बेस्ट अफ नाइन’ को अन्य क्वाटरफाइनलमा विकासले दीपक मगरलाई ५–४ तथा राजले प्रज्ज्वल कार्कीलाई ५–३ ले हराए । सेमिफाइनलमा रेगनको भेट विकाससंग हुने छ भने अमनले राजको सामना गर्ने छन् ।