जूनियर फुटबल एकेडेमि(जेएफए)ले नेपाली राष्ट्रिय फुटबल टिमका मिडफिल्डर राजू तामाङलाई शनिबार सम्मान गरेको छ । बालुवाटारस्थीत आफ्नै एकेडेमिमा जेएफले अखिल नेपाल फुटबल सघं (एन्फा)द्धारा सर्बोत्कृष्ट खेलाडी घोषित भेट्रान फुटबलरलाई सम्मान गरीएको हो । केहि समय अगाडी मात्र तामाङ २५ लाख रुपैया सहित सम्मानित भएका थिए । नेपाली आर्मीका खेलाडी समेत रहेको तामाङलाई जेएफका सस्थापक तथा प्रमुख प्रशिक्षक प्रज्वल प्रताप क्षेत्रिले दोसल्ला तथा फुलमाला लगाई सम्मान गरे ।
क्षेत्रीले देशका लागि लामो समय त्याग र योगदान दिएका तामाङलाई राज्यले कदर नगरेपनि एन्फाको सम्मानले तामाङ र युथ फुटबलरलाई हौसला मिल्ने बताए । उनले भने त्यस्ता खेलाडीलाई सम्मान गर्न पाउदा जुनियर फुटबलर उत्पादन थप हौसला मिल्नेछ । फुटबलर तामाङले जूनियर खेलाडी अनुशासित भएर प्रशिक्षण गर्दै देशका लागि उत्कृष्ट फुटबलर बन्न शुभकामना दिए । सो अवसरमा एकेडेमिका अविभावक समिर थापाले प्रशिक्षणका लागि फुटबल सामाग्री प्रदान गरे । थापाले एकेडेमिका प्रशिक्षक क्षेत्रीलाई करिब २० हजार बराबरको प्रशिक्षण सामाग्री प्रदान गरेका थिए ।