नेपाल पुलिस क्लब र संकटा क्लबले ललीतस्मृती यु–१८ फुटबल प्रतियोगितामा विजयी सुरुवात गरेका छन् । सनसनीपूर्ण खेलमा संकटाले थ्रीस्टारलाई ३–२ ले पराजित ग¥यो । दुइ पटक पछि परेको थ्रीस्टार खेलमा फर्कदै २–२ को अबस्थामा खेल पु¥याउन सफल भए पनि अन्तिम समयमा पाएको पेनाल्टीलाई संकटाले उपयोग गरे पछि थ्रीस्टार पराजित भयो । १८ औ मिनेटमा दिपेन्द« केसीको एक्रोबायटिक किक गोलमा परिणत भए पछि संकटाले अग्रता लीएको थियो । २७ औ मिनेटमा अजुल सिंहको गोलमा थ्रीस्टार खेलमा फर्कीएको थियो ।
३७ औ मिनेटमा कप्तान सन्जोग राइको गोलमा संकटा अर्को पटक अग्रता लीन सफल भयो । ७८ औ मिनेटमा आदित्य शाक्यको भली गोलमा परिणत भए पछि थ्रीस्टार दोश्रो पटक बराबरी गोल गर्न सफल भएको हो । ८८ औ मिनेटमा कमल थापाको ह्यान्ड भए पछि पाएको पेनाल्टीलाई सुमन डंगोलले उपयोग गर्दै संकटालाई जित दिलाए ।
अर्को खेलमा पुलिस क्लबले सरस्वती क्लबलाई ५–३ ले हरायो । क्षितिज राजको गोलमा पुलिस क्लब १० औ मिनेटमा अग्रता लीन सफल भएको थियो । एलन थापाले १९ औ र २६ औ मिनेटमा गोल गरे पछि पछि पुलिस क्लब तीन गोलको अग्रता लीन सफल भएको थियो । ओम प्रकास सिंहले दुइ गोल गर्दा ४९ मिनेटमा सरस्वती खेलमा फर्कने लक्षण देखिएको थियो । तथापी एलनले ह्याट्रिक गरे पछि पुलिस क्लब अग्रता बढाउन सफल भयो । ६४ औ मिनेटमा मिङ्गमा शेर्पाले गोल गरे पछि सरस्वती फेरी एक पटक खेलमा फर्कने सम्भावना देखिएको थियो । पुलिसका सुगम कार्कीले ८० औ मिनेटमा गोल गरे ।