हिमालयन ह्याप्पी चिल्ड्रेन एकेडेमी (एचएचसीए) र रेडिअन्ट सातौं प्याब्सन विद्यालयस्तरीय यु–१६ छात्र बास्केटबल प्रतियोगितामा बुधबार फाइनलमा प्रवेश गरेका छन् ।
एचएचसीएले एन्जल्स हार्टलाई ६८–४८ ले पराजित ग¥यो । एचएचसीएका विशाल राईले ३० अंक जोडे । अर्को सेमिफाइनलमा रेडिअन्टले ओडिसीलाई ५०–३६ ले हरायो । रेडिअन्टको जितमा सुजन थपलियाले १५ अंक योगदान गरे ।
काठमाडौं प्याब्सनद्वारा आयोजित प्रतियोगिताअन्तर्गत बुधबारै भएको क्वाटरफाइनलमा रेडिअन्टले ठुङराम इन्टरनेसनल एकेडेमी (टीआईए) लाई ६०–३५, एन्जल्स हार्टले बेबिलनलाई ५०–३८, एचएचसीएले एलआरआईलाई ५२–३३ तथा ओडिसीले ज्ञाननिकेतनलाई ७६–५६ ले पाखा लगाएका थिए । फाइनल बिहीबार हुनेछ ।