अमृत थापा मगर र अरहान्तकेशर सिंह धनलक्ष्मी महर्जन स्मृति राष्ट्रिय स्क्वास प्रतियोगिताको पुरुष सिंगल्समा शुक्रबार फाइनलमा प्रवेश गरेका छन् ।अमृतले प्रवीणवीरसिंह कंशाकारलाई ११–२, ११–८, १४–१६ र ११–४ तथा अरहान्तले हीराबहादुर थापालाई १०–१२, ११–४, ११–८ र ११–८ को सेटमा पराजित गरे ।
भेट्रान्स ५० वर्षमाथि पुरुष सिंगल्समा प्रेम सिंहले महेन्द्र महर्जनलाई ११–६, ११–८, ९–११ र १३–११ तथा लालबहादुर गुरुङले मनोजबहादुर श्रेष्ठलाई ७–११, ११–९, ११–७ र ११–६ ले हराउदै फाइनलमा स्थान पक्का गरे । प्रतियोगिता शनिबार सम्पन्न हुनेछ ।