रेड टाइल्सको आयोजनामा सातौं कृष्णध्वज स्मृति राष्ट्रव्यापी अन्तर स्कुल तथा कलेजस्तरीय टेबलटेनिस प्रतियोगिता सोमबारदेखि हुने भएको छ ।
प्रतियोगितामा स्कुलतर्फ ८ तथा कलेजमा ५ गरी १३ स्पर्धामा प्रतिस्पर्धा हुने प्रतियोगिता संयोजक सुरज केसीले जनाएका छन् ।
लैनचौरस्थित राष्ट्रिय टेबलटेनिस प्रशिक्षण केन्द्रमा हुने तीनदिने प्रतियोगितामा करिब ३ सय ५० खेलाडीको सहभागिता रहने बताइएको छ । प्रतियोगिता सञ्चालन गर्न करिब १ लाख ७० हजार खर्च हुने आयोजकले जनाएको छ ।