प्राइम कलेजले सातौं कृष्णध्वज स्मृति राष्ट्रव्यापी अन्तरस्कुल तथा कलेजस्तरीय टेबलटेनिस प्रतियोगिताको कलेजतर्फ महिला टिम इभेन्टमा मंगलबार स्वर्ण हात पारेको छ ।रेड टाइल्सद्वारा आयोजित प्रतियोगिताको फाइनलमा प्राइमले क्यापिटल कलेज एन्ड रिसर्च सेन्टर (सीसीआरसी) लाई ३–२ ले पराजित ग¥यो । साइपाल एकेडेमी र ख्वप कलेज तेश्रो भए ।
स्कुलतर्फ यु–१२ गल्र्स सिंगल्समा विजेश्वरीकी मारिया थापा मगर पहिलो भइन् । फाइनलमा मारियाले श्री ज्ञानमन्दिरकी निशि अवालेलाई ७–११, ११–५, ११–४ र ११–८ ले हराइन् । स्वर्णिमका आभा पन्त र नश्ला मानन्धर तेश्रो भए ।आदर्श विद्या मन्दिर (एभीएम) का आशिष शर्मा यु–१६ ब्वाइज सिंगल्समा पहिलो भए । उनले फाइनलमा एभीएमकै विकेन महर्जनको चुनौती ११–६, ५–११, ११–६, ७–११ र ११–९ ले समाप्त पारे । एभीएमका सुधाकर खत्री र एभरेष्टका अमित बनेपाली तेश्रो भए ।
यु–१४ ब्वाइज सिंगल्सको फाइनलमा एभीएमका सन्योग कपालीले एभीएमकै सन्जिव गुरुङलाई ११–८, ११–७, ९–११ र ११–५ ले पाखा लगाउदै स्वर्ण जिते । काष्ठमण्डपका अंकित दागा र प्रोक्सिमाका मदन तामाङ तेश्रो बने ।