अजरबैजानको बाकुमा जारी ४२ औ चेस ओलम्पियाडको तेश्रो चरणमा नेपालका दुवै टोलीले जित हात पारेका छन्। खुलामा नेपालले युएस भर्जिन आइसल्यान्डलाई ४–० ले पराजित ग¥यो भने महिलामा नेपालले स्वाजील्यान्डलाई ४–० ले नै पराजित ग¥यो । यस अघि नेपालले दुवै चरणमा पराजयको सामना गरेको थियो । तथापी दोश्रो चरणमा खुलामा विलम लाल श्रेष्ठ र महिलामा शान्ता थापाले जित हात पारेका थिए ।
तेश्रो चरणमा केशब श्रेष्ठले जेम्स म्याग्टीलाई हराए । अर्को खेलमा सजिन मर्हजनले एन्जीलो मेंगीलोे,निरज निरौलाले जोन डेम्पसी तथा विलमलाल श्रेष्ठले डेविड कोनहफलाई हराए । महिलामा सिन्दरा जोशीले एनएम खन्टो,अस्मिता अधीकारीले टी माथेवा, शान्ता थापाले एन निकीवीइ तथा सुजना लोहनीले नेवन्वालाई हराए । सुजनाको यो पहिलो खेल हो ।