अजरबैजानको बाकुमा जारी ४२ औ चेस ओलम्पियाडमा नेपालले माल्टालाई ३–१ ले पराजित गरेको छ । विलमलाल श्रेष्ठले सनसनपूर्ण प्रदर्शनलाई निरन्तरता दिदै भेला डुन्कनलाई हराए । उनको यो लगातार चौथो जित हो । सचिन मर्हजनले उत्कृष्ट प्रदर्शनलाई निरन्तरता दिदै जोसेफ गाउसीलाई हराए । ओलम्पियाडमा पहिलो जित हात पार्ने क्रममा क्षितिज भण्डारीले क्लेरेन्स पिसाइलालाई हराए । केशब श्रेष्ठ भने पेस कोलीनसंग पराजित भए । पाच खेलमा पाच अंक जोडेको नेपालले छैटौ चरणमा कोलम्बीयाको सामना गर्ने छ । महिलामा भने नेपाली टोलीे आयरल्यान्डसंग ३–१ ले पराजित भयो । मोनालीसा खुम्बु र सिन्दरा जोशीले बराबरी गरे भने शान्ता थापा र सुजना लोहनीले पराजयको सामना गरे ।