नेपालको पहिलो फीडे मास्टर मनीष हमालको शिष्य सुजना लोहनी नेपालको पहिलो डब्लुएफएम भएकी छिन् । अजरबैजानको बाकुमा जारी ४२ औ चेस ओलम्पियाडमा नौ खेलमा आबस्यक पर्ने ६ स्कोर आठ खेलमा पुरा गरेकी सुजनाले अन्तिम चरणमा अरुवाको ज्याकोब्स अनालाइकेसंग प्रतिस्पर्धा गर्दै छिन् । १० औ चरणमा उनले लसोथोकी मानेउली माहलाउलीसंग जित हात पारिन् । सो खेलमा नेपाल २.५–१.५ ले विजयी भयो । नेपालकी सिन्दरा जोशीले जित हात पारेको खेलमा मोनालीसा खुम्बुको बराबरी भयो ।यसै गरी, शान्ता थापा पराजित भइन् । ग्रीनल्यान्ड स्कुलकी उत्पादन सुजनाका प्रशिक्षक मनीष हमाल आठ बर्ष अघि जर्मनीमा भएको ओलम्यिाडमा सफलता पाउदै नेपालको पहिलो फीडे मास्टर भएका थिए । चेस खेललाई प्राथमिकता दिएको ग्रीनल्यान्ड स्कुलले सोही समयमा उत्तम राज थापालाई प्रशिक्षकको रुपमा राखेको थियो । थापा पछि मनीषले प्रशिक्षकको जिम्मेवारी सम्हाल्दै आएका छन् ।
बाकु ओलम्पिायडको १० औ चरणमै खुला तर्फ नेपाल चाइनीज ताइपेइसंग ३–१ ले पराजित भयो । रेटिङ्गको तुलनामा उत्कृष्ट प्रदर्शन गरिरहेको चाइनीजताइपेइसंगको खेलमा नेपालका सजिन मर्हजन र क्षितिज भण्डारी र सजिन मर्हजनको बराबरी भयो भने केशब श्रेष्ठ र निरज निरौला पराजित भए । ११ औ चरणमा नेपालले इराकको सामना गर्ने छ ।