नमुनादीप कप पुरुष भलिबल प्रतियोगितामा नागदह गाविस युवा संघले मंगलबार विजयी सुरुआत गरेको छ । रामेछाप जिल्लाकै सर्वाधिक पुरस्कार राशीको प्रतियोगिताको उद्घाटन खेलमा नागदहले कालिकादेवी आधारभूत विद्यालयलाई २५–१२ र २५–११ को सोझो सेटमा पराजित ग¥यो ।
रामेछाप सैपुचारस्थित अरुणोदय माविमा भइरहेको लिग कम नकआउट प्रतियोगिताको एमाले केन्द्रीय सदस्य शंकर पौडेलले उद्घाटन गरेका थिए । नमुनादीप युवा क्लबको आयोजनामा चारदिनसम्म चल्ने प्रतियोगिताको विजेताले १ लाख, उपविजेताले ५० हजार र तेश्रो हुनेले २५ हजार नगद पुरस्कार प्राप्त गर्नेछन् ।