रामेछापको धोवी नागदह गा.वि.सको युवा संघ नेपालले नमुनादीप कप पुरुष भलिबल प्रतियोगिताको उपाधी हात पारेको छ । जिल्लाकै सर्वाधिक पुरस्कार राशीको भलिबल प्रतियोगितामा आयोजक नमुनादीप युवा क्लब, रामेछापको ‘ए’ टिमलाई फाइनलमा २५–२३, २५–१६ र २५–१८को सोझो सेटमा पराजित गर्दै युवासंघले उपाधी चुमेको हो । रामेछापको सैपुमा सम्पन्न प्रतियोगिताको तेश्रो स्थान ओखलढुङ्गको तारकेबारी सेवा समाजले प्राप्त ग¥यो । तारकेबारीले ओखलढुङ्गाकै गाम्नाङ्गटार सेवा समाजमाथि २४–२६, २६–२४, २५–१९, १९–२५ र १५–११ को सघर्षपूर्ण खेलका साथ जितलाई आत्मसाथ ग¥यो ।
उपाधीका साथ युवासंघले नगद १ लाख सहित ट्रफी मेडल र प्रमाण पत्र प्राप्त ग¥यो । दोश्रो हुने आयोजक ए ले ५० हजार र तेश्रो हुने तारकेबारीले २५ हजार नगद सहित मेडल र प्रमाण पत्र प्राप्त ग¥यो । प्रतियोगितामा म्यान अफ दि टुर्नामेन्ट आयोजक नमुनादीपका बुद्धिराम चौधरी भए । यस्तै गाम्नाङ्गटारका सरोज हायुले उत्कृष्ट स्पाईकर, तारकेबारीका उत्सव खड्काले उत्कृष्ट सेटर, युवा संघका विरेन्द्र प्रसाद चौधरीले उत्कृष्ट लिब्रो र ध्रुव पौडेलले उत्कृष्ट ब्लकर घोषित भए । उनीहरुले नगद २ हजार प्राप्त गरे ।
विजेता खेलाडी तथा क्लबलाई रामेछाप जिल्लाका पूर्व सांसद कमल प्रकास सुनुवार, एमाले नेता गोविन्द खड्का, समाजसेवी दीनेश पौडेललगायतले पुरस्कार वितरण गरेका थिए ।