नेपाल नेप्लिज तेक्वान्दो एकेडेमीले मुगुको भिहि गाबिसका ६ जना बालबालिकाहरुको लागि आयोजना गरेको १४ दिने बिशेष तेक्वान्दो प्रशिक्षण सम्पन्न गरेको छ । मदन पुरस्कार विजेता एवं एक्सन ओर्क नेपालका अध्यक्ष राधा पौडेल तथा पूर्व सांसद नवराज धामीको विशेष पहलमा कर्णालीको विकट गाँउबाट बालबालिकाहरुलाई काठमाण्डौमा ल्याई तेक्वान्दोको प्रशिक्षण संचालन गरेको हो । बालबालिकालाई प्रशिक्षणका क्रममा मुलपानीस्थित द भेलोसिटी स्कुलले बसोबासको व्यवस्था गरेको थियो भने अन्य आतेजाते सहितको सम्पूर्ण खर्च जेन मार्सलआर्ट एकेडेमी युके, एफएसआई, ईन्द्र गुरुङ्ग लगायतले गरेको तेक्वान्दो एकेडेमीका अध्यक्ष एवं तेक्वान्दो खेलाडी अशोक खड्काले जनाएका छन् ।