५० को दशकका अत्यन्त प्रतिभासाली मिडफील्डर कुमार थापाको प्रशिक्षण जिवनको सुरुवात पनि राम्रो भएको छ । थापाको प्रशिक्षणमा रहेको नेपाली महिला फुटबल टोलीले शनीबार मलेसियासंग भएको अन्तराष्ट्रिय मैत्री खेलमा १–० को जित हात पारेको छ । नेपालका लागि साबीत्रा भण्डारीले २७ औ मिनेटमा गोल गरिन् । मलेसियाकी गोलरक्षक नुरुन अनुरीन मजलानले केही आकर्षक बचाउ गर्दै गोल अन्तर फराकिलो हुनबाट बचाएकी थिइन् । थापाको प्रशिक्षकको रुपमा यो पहिलो अन्तराष्ट्रिय खेल हो ।
५० को दशक र ६० को दशकको सुरुवातसम्म मनाङ मस्र्याङ्गदी क्लबको घरेलु फुटबलमा प्रभावशाली शक्तिको रुपमा रहेको साखको एक प्रमुख कारक थापा थिए । साथै थुप्रै अन्तराष्ट्रिय खेलमा उनको प्रदर्शन त्यत्तिकै बेजोड रहेको थियो ।