साइपाल एकेडेमीको आयोजनामा दोश्रो साइपाल कप अन्तरविद्यालय छात्र फुटबल प्रतियोगिता माघ १० गतेदेखि हुने भएको छ । प्रतियोगितामा ४० टिमको सहभागिता रहने साइपालका ईसीए इन्चार्ज विनोद बुढाथोकीले जनाएका छन् । नकआउट आधारमा हुने प्रतियोगिताका खेलहरु चावहिलस्थित गणेशथान चौरमा हुनेछ ।
फाइनल माघ १६ गते हुनेछ । पहिलो संस्करणमा पशुपति स्कुलले काभ्यालाई फाइनलमा हराउदै उपाधि जितेको थियो ।