मलेसियामा कराते सम्मान
मण्डला रेस्टुरेन्ट,मैदान पासार,क्वालालम्पुरमा नेपाली प्रवासी सितोरियो कराते संघले बुधबार सम्मान कार्यक्रम गरेको छ।नेपाल बाट सेलनाइट अन्तर्राष्ट्रिय कराते कपमा सहभागी हुन मलेसिया पुगेका कराते गुरु र खेलाडी लाई सम्मान गरिएको हो। सम्मानित हुनेमा नेपाल सोतोकान कराते महासंघका महासचिव तथा प्रमुख प्रशिक्षक एकेएफ रेफ्री श्याम शेर्पा र जापान गोजुरियो कराते डाे केन्वाकाइ संघ नेपालका वरिष्ठ उपाध्यक्ष तथा प्रमुख प्रशिक्षक डब्लुजिकेएफ र एकेएफ रेफ्री विशनसिंह खड्का रहे । जापान गोजुरियो कराते डाे केन्वाकाइ संघ नेपालका राष्ट्रिय खेलाडी निर्मल पुनलाई पनि सम्मान गरिएको हो। कार्यक्रमका प्रमुख अतिथि एनआरएनए मलेसियाका महासचिव सुन्दर आले मगर र नेपाली प्रवासी सितोरियो कराते संघका अध्यक्ष तथा प्रमुख प्रशिक्षक योगेन्द्र कोइरालाले सम्मान पत्र साथै मायाको चिनो प्रदान गरे । कार्यक्रममा नेपाली प्रवासी सितोरियो कराते संघका वरिष्ठ उपाध्यक्ष तथा पदकधारी कर्न बहादुर राईसाथै सचीव भिम बहादुर महर र खेलाडी तुलाराम धामी सहभागी थिए ।