जापानको ओसाकामा भएको १५ औं जापान ओपन अन्तर्राष्ट्रिय तेक्वान्दो च्याम्पियनसिपका पदक विजेता नेप्लिज तेक्वान्दो एकेडेमी (एनटीए) का खेलाडीलाई एनआरएन जापानले नगदसहित सम्मान गरेको छ ।
अप्रिल २३ देखि २५ तारिखसम्म भएको प्रतियोगितामा नेपालले २ स्वर्ण, १ रजत र २ कांस्य जितेको थियो । प्रजुन कुइकेल र विवेक श्रेष्ठले स्वर्ण जिते । विवेकले थप एक कास्य पनि हात पारे । अर्का कांस्य विजेतामा तिलक लामा छन् । प्रगति कुइकेलले नेपाललाई रजत दिलाइन् ।
प्रशिक्षक एनटीएका अध्यक्ष अशोक खड्का तथा व्यवस्थापक युनिटी तेक्वान्दो एकेडेमी, हङकङका अध्यक्ष दिल गुरुङ पनि सोही अवसरमा सम्मानित भए ।