तेक्वान्दो खेलाडी अशोक खड्का सेमिनार र प्रतियोगितामा सहभागी हुन बुधबार अस्ट्रेलिया जाँदैछन् । नेप्लिज तेक्वान्दो एकेडेमीका अध्यक्ष समेत रहेका अशोकले गोल्डकोस्टमा हुने गोल्डकोस्ट अन्तर्राष्ट्रिय तेक्वान्दोमा प्रतिस्पर्धा गर्नेछन् । मे ६ देखि ८ तारिखसम्म हुने प्रतियोगितामा अशोकले एकल पुम्सेमा नेपालको चुनौती प्रस्तुत गर्नेछन् । त्यसअघि अशोकल मे ४ देखि ६ तारिखसम्म सिड्नीमा हुने क्योरोगी सेमिनारमा भाग लिने छन् । अशोकको टिकट खर्च गोल्डकोस्ट तेक्वान्दो संघले प्रायोजन गरिदिएको हो ।