इडेन ब्रिज एकेडेमी र आयोजक हिमालयन एकेडेमी प्रथम हिमालयन कप अन्तरविद्यालय बास्केटबल प्रतियोगिताको सिनियर गल्र्समा शनिबार सेमिफाइनलमा प्रवेश गरेका छन् । इडेन ब्रिजले द एक्सेल्सियर स्कुललाई १८–२ ले पराजित ग¥यो । विजेताकी सुमिना कार्कीले १४ अंक जोडिन् । दीक्षा खड्काको ६ अंक सहयोगमा हिमालयनले विल्सन एकेडेमीलाई १०–४ ले हरायो ।
सिनियर गल्र्समै रिलायन्सले जेनिथलाई २७–६ तथा स्वर्णिमले कान्तिपुरलाई १५–६ ले हराउदै सेमिफाइनलमा पुगे । रिलायन्सकी कविता श्रेष्ठले १० तथा स्वर्णिमकी प्रमिला दाहालले ७ अंक जोडे ।
सिनियर ब्वाइजमा नेरिकले कमललाई २३–१४, ज्ञान निकेतनले आयोजक हिमालयन एकेडेमीलाई ४०–२०, रेडिअन्टले पुष्प सदनलाई ३१–१९ तथा विल्सनले होली भिजनलाई ३१–१५ ले पाखा लगाउदै सेमिफाइनलमा पुग्न सफल भए ।
जुनियर ब्वाइजमा महामञ्जुश्रीले नेरिकलाई २६–२१, पुष्पसदनले बसुन्धारा नेसनल एकेडेमीलाई १७–८, लालीगुराँस नेसनल एकेडेमीले पिपुल्स एकेडेमीलाई २१–१३ तथा सेबले ग्रिनफिल्डलाई २५–१२ ले हराउदै सेमिफाइनल यात्रा तय गरे ।