अखिल नेपाल फुटबल संघको कार्यक्रम अुनसार पाल्पा र स्याङ्गजा जिल्ला फुटबल संघको समन्वयमा संचालीत एन्फा महिला लिग च्याम्पियनसीप अन्तर्गत भएको क्वाटरफाईनल खेलमा काठमाण्डाले झापालाई २–० ले पराजित गरेको छ । काठमाण्डौका लागि मुना तामाङ्गले ५६ औ र प्रिति राईले ६६ औं मिनेटमा गोल गरे । अर्को खेलमा ताप्लेजुङ्गले कैलालीलाई १–० ले पराजित गरेको छ । ताप्लेजुङ्गका लागि अनुष्का शेर्पाले ४८ औं मिनेटमा गोल गरेकी थिईन् ।
अर्को खेलमा रौतहटले सर्लाहीलाई २–० ले पराजित गर्दै सेमिफाईनलमा प्रवेश गरेको छ । रौतहटका लागि रश्मि कुमारी घिसिङ्गले ५५ औ र ६५ औं मिनेटमा गोल गरेकी थिईन् । तेश्रोे खेलमा मोरङ्ग महिला फुटबल टिमले नवलपरासी महिला फुटबल टिमलाई ४–१ गोलले पराजित गर्दै सेमिफाईनलमा प्रवेश गरेको छ । मोरङ्गका लागि सरु लिम्बूले १५, १८, २६ र ७२ औं मिनेटमा गोल गरेकी थिईन् भने नवलपरासीका लागि हिना रानाले ४५ औं मिनेटमा गोल गरेकी थिईन् ।