राष्ट्रिय तेक्वान्दो संघ, नेपालको आयोजनामा पाँचौं राष्ट्रिय तेक्वान्दो प्रतियोगिता शुक्रबारदेखि त्रिपुरेश्वरस्थित राष्ट्रिय खेलकुद परिषद्को सेमी कभर्डहलमा सुरु हुँदैछ । प्रतियोगितामा ७ प्रदेशबाट २० का दरले १ सय ४० खेलाडीको सहभागिता रहने आयोजक संघका महासचिव राजकुमार कार्कीले जनाएका छन् । पुरुषमा १० र महिलामा ७ गरी १७ स्पर्धामा प्रतिस्पर्धा हुनेछ । प्रतियोगिता शनिबार सम्पन्न हुनेछ ।