ज्ञान निकेतन र डिफेन्डिङ च्याम्पियन हिमालयन ह्याप्पी चिल्ड्रेन एकेडेमी (एचएचसीए) ११ औं श्रीदिवा मन्सुन मिट अन्तरविद्यालय बास्केटबल प्रतियोगिताको ब्वाइजमा बुधबार क्वाटरफाइनलमा प्रवेश गरेका छन् । ज्ञान निकेतनले आयोजक श्रीदिवालाई ५९–५० ले पराजित ग¥यो । विजेताका भूमि सम्राटले १८ अंक जोडे । राजकुमार राईको १६ अंक सहयोगमा एचएचसीएले स्किब्सलाई ५६–४४ ले हरायो । ब्वाइजकै अन्य लिगमा ओडिसीले ज्ञानोदयलाई ५०–३८ तथा इनोभेटिभले माउन्ट कैलाशलाई ४६–१६ ले पन्छ्याउदै क्वाटरफाइनलमा स्थान सुरक्षित गरे । ओडिसीका सागर लामाले २० र इनोभेटिभका अनिश महर्जनले १४ स्कोर गरे । गल्र्सको समूह ‘डि’ को लिग खेलमा यसअघि नै क्वाटरफाइनल पुगिसकेको इनोभेटिभले ज्ञानोदयलाई ४३–२६ ले हराउदै समूह विजेता बन्यो । इनोभेटिभको जितमा रोजिनी गिरीले १२ अंक योगदान गरिन् । ज्ञानोदय पनि समूह उपविजेता बन्दै क्वाटरफाइनलमा पुग्न सफल भयो ।