एसियन पब्लिक स्कुल र काठमाडौं इङलिस स्कुल (केईएस) प्याब्सन मध्य क्षेत्रीय कप आठौं अन्तरविद्यालय बास्केटबल प्रतियोगिताको ब्वाइजतर्फ बिहीबार सेमिफाइनलमा प्रवेश गरेका छन् ।
एसियन पब्लिकले माटियर्सलाई ४४–१८ ले सहजै पराजित ग¥यो । एसियनका मनीष केसीले २५ अंक जोडे । केईएसले काठमाडौं जेभियरलाई ३६–३४ को साँघुरो अन्तरले हरायो । केईएसका यकेन्द्र शाही ठकुरीले २६ स्कोर गरे ।
ब्वाइजमै स्पाङ्गेल र हेम्स पनि आ–आफ्नो खेल जित्दै सेमिफाइनलमा पुगेका छन् । स्पाङ्गेलले बृहस्पति विद्या सदनको चुनौती २८–२६ ले समाप्त पा¥यो । स्पाङ्गेलका सुशान्त घिमिरेले १४ अंक जोडे । हेम्सले चाँदबागमाथि २३–२२ को कठिन जित दर्ता ग¥यो । हेम्सको जितमा अंकित घिमिरेले १२ अंक योगदान गरे ।
सेमिफाइनलमा हेम्सको भेट स्पाङ्गेलसंग हुनेछ भने एसियनले केईसको सामना गर्नेछ । गल्र्सको सेमिफाइनल समीकरण यसअघि नै तयार भइसकेको छ । हेम्स र चाँदबाग तथा केईएस र स्पाङ्गेलबीच गल्र्स सेमिफाइनल हुनेछ ।