ट्रिनिटी इन्टरनेसनल कलेजले आठौं बर्नहार्ट कप अन्तरकलेज बास्केटबल प्रतियोगितामा आइतबार जित हात पारेको छ । ट्रिनिटीले होलीभिजनलाई ७८–३८ ले पराजित ग¥यो । ट्रिनिटीको जितमा सरोज मगरले २४ अंक योगदान गरे ।
काठमाडौं बर्नहार्ट कलेजद्वारा आयोजित प्रतियोगितामा जेभियर इन्टरनेसनल कलेज र गोल्डेनगेट इन्टरनेसनल कलेजले सफलता पाए । जेभियरले न्यु जेनिथलाई ४९–३३ ले हरायो । जेभियरका अनिश केसीले २३ अंक जोडे । भुवन केसीको २२ अंक सहयोगमा गोल्डेनगेटले ओमेगामाथि ४६–४४ को कठिन जित दर्ता ग¥यो ।