द चाँदबाग स्कुलको तीनै टिम चौथो बृहस्पति कप अन्तरविद्यालय मिनी बास्केटबल प्रतियोगितामा मंगलबार क्वाटरफाइनलमा प्रवेश गरेका छन् । चाँदबागको १ ब्वाइज र २ गल्र्स टिम क्वाटरफाइनलमा पुगेका हुन् । ब्वाइजमा चाँदबागले रोजबडलाई ३१–१६ ले पराजित ग¥यो । चाँदबागका प्रयास उप्रेतीले १७ अंक जोडे । गल्र्समा चाँदबाग ‘ए’ ले सेन्ट जेभियर्सलाई १८–१० ले हरायो । विजेताकी पिन्जती तिवारीले ६ अंक जोडिन् । त्यस्तै चाँदबाग ‘बी’ ले संस्कृतिमाथि ६–२ को जित निकाल्दै समूह ‘बी’ को विजेताका रुपमा क्वाटरफाइनल पुग्यो । विजयी टिमका लागि एरिका श्रेष्ठले ४ स्कोर गरिन् । संस्कृति पनि उपविजेता बन्दै क्वाटरफाइनलमा पुग्न सफल भयो ।
गल्र्समै श्रीदिवा इन्टरनेसनल स्कुलले ओलम्पिया वल्र्ड स्कुललाई १८–१० ले पाखा लगाउदै क्वाटरफाइनलमा स्थान सुरक्षित ग¥यो । श्रीदिवाको जितमा पसी शेर्पाले ६ अंक योगदान गरिन् ।
बृहस्पति विद्या सदनको आयोजनामा भइरहेको प्रतियोगिताको ब्वाइजमा सेन्ट जेभियर्सले श्रीदिवालाई २६–१२ ले पराजित ग¥यो । सेन्ट जेभियर्सका आयुक सादाले ६ अंक जोडे ।