आयोजक काठमाडौं बर्नहार्ट कलेज आठौं बर्नहार्ट कप अन्तरकलेज बास्केटबल प्रतियोगिताको ब्वाइजमा बुधबार प्रिक्वाटरफाइनलमा प्रवेश गरेको छ । बल्खुस्थित घरेलु कोर्टमा बर्नहार्टले मोर्गन इन्टरनेसनल कलेजलाई ६०–४८ ले पराजित ग¥यो । बर्नहार्टको जितमा शिशीर खतिवडाले २२ अंक योगदान गरे । ब्वाइजमै गोल्डेनगेट इन्टरनेसनल कलेज, ग्रिनफिल्ड र ह्वाइटहाउस पनि आ–आफ्नो खेल जित्दै प्रिक्वाटरफाइनलमा पुगे ।
गोल्डेनगेटले क्यापिटल कलेज एन्ड रिसर्च सेन्टर (सीसीआरसी) लाई ५२–४९ ले हरायो । विजयी टिमका लागि आशिष महर्जनले २५ अंक जोडे । ग्रिनफिल्डले केएमसीको चुनौती ५२–३५ ले समाप्त पा¥यो । ग्रिनफिल्डका लागि दीपेन्द्र भण्डारीले २२ स्कोर गरे ।
नयन तामाङको १२ अंक सहयोगमा ह्वाइटहाउसले होलीभिजनलाई ५२–१६ ले पाखा लगायो । ब्वाइजको अर्को लिग खेलमा न्यु समिटले एसियन कलेजमाथि ७४–२६ को सहज जित दर्ता ग¥यो । विजेताका विशाल मानन्धरले २४ अंक जोडे ।