टोखास्थित सदावहार खेलकुद समाज र सिटि स्पोर्टस् क्लब गजराज स्मृती फुटबल प्रतियोगिताको सोमबार क्वाटरफाईनलमा भिड्ने भएका छन् । नेपालका पहिलो अन्तराष्ट्रि अन्तराष्ट्रिय धावक तथा उत्तरभेगिय स्थलका समाजसेवी गजराज जोशीको स्मृतीमा आयोजित प्रतियोगिताको अर्को क्वाटरफाईनलमा जुनतारा क्लबले सानो गौचरण फुटबल क्लबको सामना गर्ने आयोजक क्लबले जनाएको छ ।
श्री भगवती क्लब टोखाको आयोजनामा भएको प्रतियोगिताको अर्को क्वाटरफाइनलमा द कोरल युथ क्लबले बानियाँटार युवा क्लब तथा आयोजक श्री भगवती क्लबले नयाँ जागरण युवा क्लबको सामना गर्ने भएका छन् । टोखास्थित भुतखेल फुटबल मैदानमा जारी प्रतियोगितामा २० टिमको सहभागिता रहेको थियो ।