मल्पी इन्स्टिच्यूटको आयोजनामा मल्पी कप अन्तरकलेज फुटबल प्रतियोगिता पुस ७ गतेदेखि हुने भएको छ । प्रतियोगितामा १६ ब्वाइज टिमको सहभागिता रहने मल्पीका को–ओर्डिनेटर टेकनाथ पौडेलले सोमबार आयोजित पत्रकार सम्मेलनमा जानकारी गराए ।ए लेभल र प्लस टुमा अध्ययनरत विद्यार्थीले सहभागिता जनाउने पाउने प्रतियोगिताको विजेताले १ लाख र उपविजेताले ५० हजार नगद पुरस्कार पाउने मल्पी स्टुडेन्ट काउन्सिलकी अध्यक्ष प्रियंका कार्कीले जानकारी गराइन् । विभिन्न ९ व्यक्तिगत विधामा पनि खेलाडीलाई पुरस्कृत गरिने छ ।रेड बुलको मुख्य प्रायोजन तथा ग्लोबल रिच र एस ट्राभल्सको सह–प्रायोजनमा हुने प्रतियोगिता सञ्चालन गर्न करिब १५ लाख खर्च हुने बताइएको छ । खेलहरु लगनखेलस्थित आर्मी शारीरिक तालिम तथा खेलकुद केन्द्रमा खेलाइनेछ ।