विज किड्स र लाइसियमले दोश्रो माफ अन्तरविद्यालय बास्केटबल प्रतियोगिताको सिनियर ब्वाइजमा सोमबार जित हात पारेका छन् । विज किड्सले पिस प्वाइन्टलाई ३३–१२ ले पराजित ग¥यो । विज किड्सको जितमा प्रसिद्ध थापाले १४ अंक योगदान गरे । शिखर राईको १५ अंक सहयोगमा लाइसियमले कन्स्टिलेसनलाई २८–२४ ले हरायो ।
सिनियर ब्वाइजमै ज्ञान निकेतन ‘ए’ ले आफ्नै ‘सी’ टिमलाई ३६–२१ तथा जगत मन्दिरले ग्लोबललाई १८–९ ले पन्छाए । विजेता ज्ञान निकेतन ‘ए’ का मनीष तामाङले १४ तथा जगत मन्दिरका राहुल सुनुवारले ७ स्कोर गरे ।
१६ औं ज्ञान निकेतन कप बास्केटबल च्याम्पियनसिपको जुनियर ब्वाइजमा एआईए, पुष्प सदन, नेरिक र ग्रिनफिल्डले सफलता पाए । एआईएले जेनिथलाई १६–१२ ले पाखा लगायो । एआईएका निर्मल बुढाथोकीले १४ अंक जोडे । पुष्पसदनले थ्री स्टारमाथि २९–१२ को जित निकाल्यो । विजेताका वाङगेल गुरुङले ६ अंक बटुले ।
नेरिकले नवज्योतिलाई ३७–२६ ले निराश पा¥यो भने ग्रिनफिल्डले ज्ञान निकेतनको चुनौती २९–१४ ले पन्छायो । नेरिकका भुवन थापाले १९ तथा ग्रिनफिल्डका उमेश दाहालले १४ स्कोर गरे ।