हाइड एन्ड सिक किन्डर गार्डेनले नेपाली राष्ट्रिय फुटबल टोलीका पूर्व रक्षक सन्देश श्रेष्ठलाई सम्मान गरेको छ । बनस्थली ढुंगेधारा स्थित मा विद्यालय प्रांगणमा शनीबार आयोजित कार्यक्रममा हाइडएन्ड सिकका प्रीन्सीपल कुमुद भट्ट र निर्देशक इन्दिरा चौलागाइले सम्मान गरेको खेलकुद इन्चार्ज हरि बहादुर लामाले जानकारी दिए । सम्मानीत सन्देश सन् १९९८ मा नेपालले साग खेलकुदमा रजत पदक जित्दा टोलीका रक्षक थिए । लामो समय पुलिस क्लबमा विताएका सन्देश बि.स २०५२ मा एनआरटी लिग च्याम्पियन हुदा टोलीमा थिए ।
त्यसको लगत्तै पुलिस क्लबमा आबद्ध सन्देश लामो समयसम्म पुलिस क्लब र राष्ट्रिय टोलीका महत्वपूर्ण हिस्सा बने । सन् १९९७ मा नेपालमा भएको साफ च्याम्पियनसीप फुटबल प्रतियोगिता मार्पmत उनी राष्ट्रिय टोलीमा प्रबेश गरेका थिए । पुलिस क्लबमै उनले महिला टोलीको प्रशिक्षकको रुपमा समेत काम गरेका थिए ।