नितेन मेमोरिय स्कुल (निम्स) को आयोजनामा सातौं जितेन ठकुरी स्मृति अन्तरविद्यालय बास्केटबल प्रतियोगिता मंगलबारदेखि हुने भएको छ । प्रतियोगितामा ब्वाइज र गल्र्समा समान ८–८ गरी १६ टिमको सहभागिता रहने आयोजक स्कुलका प्रिन्सिपल ज्ञानेन्द्र कार्कीले शनिबार आयोजित पत्रकार सम्मेलनमा जानकारी गराए । ब्वाइज र गल्र्स दुवैमा सहभागी टिमलाई २ समूहमा विभाजन गरी लिग कम नकआउट आधारमा खेल खेलाइने छ ।

साताव्यापी प्रतियोगिता सञ्चालन गर्न करिब १ लाख ५० हजार खर्च हुने आयोजकले जनाएको छ । ब्वाइज र गल्र्स दुवैमा आयोजक निम्स डिफेन्डिङ च्याम्पियन हुन् । खेलहरु टोखास्थित आयोजककै कोर्टमा हुनेछ ।