नेपाल बक्सिङ सङ्घले काठमाडौँ जिल्ला अधिवेशन भएको जानकारी दिएकै दिन यस अघि कै कार्यकालमा निर्वाचित दिनक लाल श्रेष्ठले सो अधिवेशन अवैधानिक भएको दाबी सहित प्रेस विज्ञप्ति जारी गरेका छन् । श्रेष्ठले जारी गरेको विज्ञप्तिमा २५ साउनमा हुन लागेको जिल्ला अधिवेशन केन्द्रले स्थगन गरेको तथा ३२ साउनमा तयारी गरिएको अधिवेशन पनि केन्द्रीय सङ्घले निर्वाचन गर्न नदिएको आरोप लगाइएको छ ।
जारी विज्ञप्तिमा ३ माघमा भएको अधिवेशन अवैधानिक भएको दाबी गरिएको छ । काठमाडौँ जिल्ला खेलकुद विकास समितिका प्रमुख धन अर्जुन राई बिदामा बसेको र कसैलाई कार्यभार नदिइएको तथा राष्ट्रिय खेलकुद परिषद्ले निर्वाचन रोक्न निर्देशन दिइसकेको विज्ञप्तिमा उल्लेख छ ।