राष्ट्रिय खेलकुद परिषद्का निवर्तमान सदस्य सचिवले साग खेलमा जितेको ५१ स्वर्ण पदकको जस लिन खोज्नु वे तुकको कुरा भएको आरोप खेलकर्मीहरुले लगाउन थालेका छन् । सदस्य सचिव पदमा सिलवालसँगै दाबी गरिरहेका काठमाडौँ जिल्ला खेलकुद विकास समितिका पर्व अध्यक्ष ध्रुव राज न्यौपानेले यस अघिका सदस्य सचिव केशव विष्ट र युवराज लामालाई यसको श्रेय दिन मिले पनि सदस्य सचिव भएको दुई चार महिना पछिको परिणामको जस लिनु आश्चर्य लाग्दो भएको प्रतिक्रिया दिएका छन् ।
सदस्य सचिवको दाबी गरिरहेका न्यौपाने गाउँ तह देखि नै काम गर्दै आएका व्यक्तित्व हुन् । पछिल्लो पटक काठमाडौँ जिल्ला खेलकुद विकास समितिको अध्यक्ष हुँदा न्यौपानेले सबै प्रशिक्षकलाई सक्रिय गराउने र सामुदायिक विद्यालयमा निःशुल्क खेल प्रशिक्षण गराउने लगायत रचनात्मक कार्य गरेका थिए । ५१ स्वर्ण पदकको हकमा उनी जस्तै सबै जिल्ला तहमा काम गर्ने र त्यो भन्दा पनि तल्लो तहमा रहेका व्यवस्थापकीय र प्राविधिक व्यक्तिको योगदान रहे पनि कोही व्यक्ति एकै पटक आएर रातारात परिणाम आए जस्तो गर्नु गलत भएको प्रतिक्रिया दिएका छन् ।