खुकुरी एनएसएलको शुक्रवार भएको खेलमा पोखरा थन्डर्स र काठमाडौँ रेजर्स बिच गोल रहित बराबरी भएको छ  । बराबरी पछि पोखरा तेस्रो तथा काठमाडौँ चौथो स्थानमा रहेका छन् ।
एक खेल कम खेलेको बुटवल लुम्बिनी एफसी समान अङ्क भए पनि राम्रो गोल अन्तरका कारण शीर्ष स्थानमा रहेको छ । यसै गरी चार अङ्क नै रहेको धनगढी एफसी दोस्रो स्थानमा रहेको छ ।
दुई खेल मात्र खेलेका विराटनगर एफसी ३ अङ्कका साथ पाँचौँ तथा चितवन एफसी २ अङ्कका साथ छैटौँ स्थानमा छन् । तीन खेलमा २ अङ्क मात्र जोडेको ललितपुर पुछारमा छ ।
पोखराका पद्म मोक्तान सुपर प्लेयर अफ द म्याच घोषित भए भने काठमाडौँका राजन गुरुङ इमर्जिङ प्लेयर घोषित भए ।