सामाजिक क्षेत्र र खेल क्षेत्रमा क्रियाशील  नेपाल डिफेन्स अफ लायनले पछिल्लो समय मेलम्चीमा बाढी पीडितको सहयोगमा  पनि आफूलाई उभ्याएको छ । केही दिन अघि सो स्थानमा पुगेर फर्केको सो टोलीले मानवीय संवेदनासँग जोडिएको विषय भएकाले सबैले आफूले सकेको सहयोग गर्दा समस्यामा पर्नेहरू समस्याबाट मुक्त हुन सहज हुने जनाएको छ ।

लायनकी मेम्बर सीप चेयस पर्सन तथा सेल्फ डिफेन्स प्रशिक्षक राधिका हमालले  आफ्नो संस्था यस खालको अभियानमा निरन्तर सक्रिय रहेको जनाउँदै मानवीय संवेदनाको सवालमा सबै एक स्थानमा उभिनुको विकल्प नभएको बताउँछिन् ।

अध्यक्ष अरविन्द दास सहित  प्रथम उपाध्यक्ष डिबी रानापाल, कोशाध्यक्ष सञ्जु महर्जन  तथा सदस्यहरू राजेन्द्र थापा, ऋषि ढुङ्गाना र  मदन गोपाल थापा सो स्थानमा पुगेका थिए । यही समय पछिल्लो समय नेपालमा सेल्फ डिफेन्सको यावत गतिविधिमा सक्रिय रहेको छ ।