सुनिलको गोल निर्णायक बन्दा मछिन्द्रको एएफसी छनोट बलियो
सुनिल बलले अन्तिम समयमा गरेको फ्री किक गोलसंगै मछिन्द्र फुटबल क्लबले मनाङ मर्स्याङ्दी क्लबलाई पराजित गर्दै एएफसी कपमा छनोटको सम्भावना बलियो बनाएको छ ।
शनिबार दशरथ रंगशालामा भएको दोस्रो खेलमा इन्जुरी समयमा सुनिलको निर्णायक गोलसंगै मछिन्द्रले महत्त्वपूर्ण ३ अंक जोडेको हो ।
जितसगै मछिन्द्र ६ खेलबाट १४ अंक बनाउदै शीर्ष स्थानमा उक्लिएको छ । यता, पहिलो हार ब्यहोरेको मनाङको समान खेलबाट १३ अंक छ । र दोस्रो स्थानमा छ ।
अब मनाङले सातौं चरणमा ब्रीगेड ब्वाइज क्लब र मछिन्द्रले नेपाल पुलिस क्लबसंग खेल्नेछ ।
सातौ चरणमा शीर्ष स्थानमा रहने टोली एएफसी कपका लागि छनोट हुनेछ ।