नेपाल बुद्धिचाल सङ्घका पूर्व सह अध्यक्ष तथा वरिष्ठ उपाध्यक्ष सान्तेषमान सिंह  प्रधानको ४५ औ पुण्य तिथिमा यही २५ देखि २८ चैतसम्म काठमाडौँको राष्ट्रिय खेलकुद परिषद्को कभर्डहलमा  स्व. सान्तेषमान सिंह प्रधान स्मृति खुल्ला रेटिङ  बुद्धिचाल प्रतियोगितामा हुने भएको छ ।

नेपालमा बुद्धिचाल खेल विस्तार र विकासको लागि महत्त्वपूर्ण भूमिका निर्वाह गरेका भएका मिलनसार व्यक्तित्व प्रधानको स्मृतिमा हुने प्रतियोगितामा कुल पुरस्कार रकम  दुई लाख तेत्तिस हजार एक सय रुपैयाँ छ ।

ललितपुर स्पोर्ट्स क्लबको आयोजनामा हुने प्रतियोगिता स्विस लिग प्रणाली अनुसार नवौँ चरणसम्मको खेल हुनेछ ।

प्रतियोगितामा विजेता खेलाडीले ५१, हजार एक सय,  उप– विजेताले ३०, हजार तीन सय र तेस्रो स्थान हात पार्नेले २० हजार दुई सय  रुपैयाँ  पुरस्कार पाउने छन् । त्यसै गरी,  चौथोले १५ हजार, र पाँचौँ हुनेले १० हजार रुपैयाँ पाउने छन् ।

प्रधान परिवारको पनि सहयोग रहने प्रतियोगितामा छात्र, छात्रा र विभिन्न  विधामा गरी ३२ जना खेलाडीले पुरस्कार हात पार्नेछन् ।

६ लाख ५० हजार खर्च अनुमानित लाग्ने  प्रतियोगितामा  नेपालका शीर्ष खेलाडीहरू सहित एक सय भन्दा बढी  खेलाडीहरूको सहभागिता रहने अपेक्षा गरिएको ।

प्रतियोगिता सफलतापूर्वक सम्पन्न गर्न अन्तर्राष्ट्रिय आर्विटर ज्ञानेन्द्र खाइजुको संयोजकत्वमा टेक्निकल कमिटी, शिरोमणि बज्राचार्यको संयोजकत्वमा स्वयंसेवक उप समिति र  यज्ञप्रसाद पन्तको संयोजकत्वमा आर्थिक उप समिति गठन गरिएको छ । यसै गरी, बलराम बस्नेतको संयोजकत्वमा खाद्य तथा आवास र कार्यक्रम गठन गरिएको छ । प्रतियोगिता संयोजक क्लबका सचिव राजु ताम्राकार रहेका छन् ।