शहीद स्मारक ए डिभिजन लिगको मार्केटिङ, ब्रोडकास्टिङ र टिकेटिङको जिम्मा पाएको एमडीएसी स्पोर्ट्सले टिकेटिङ पार्टनरको रूपमा ई सेवासँग सम्झौता गरेको छ । दर्शकले १९ फागुन देखि सुरु हुने ए डिभिजन लिगको टिकट ई सेवा मार्फत अनलाइन खरिद गर्न सक्नेछन् । दर्शकले ई सेवाको एप डाउनलोड गरी वा ई सेवाको वेबसाइटबाट सामान्य पारा फिटतर्फको १०० रुपैयाँ र भिआइपी पारा फिटतर्फ ३०० रुपैयाँमा टिकट खरिद गर्न सक्नेछन् । 

दशरथ रङ्गशाला, च्यासल मैदान र एन्फा कम्प्लेक्स सातदोबाटो गरी ३ वटा रङ्गशालामा हुने १८२ खेलको सबै टिकट ई सेवामा उपलब्ध हुनेछ ।