राष्ट्रिय तेक्वान्दो खेलाडी मनीता शाहीको अग्रसरतामा लनटेनिस सम्बद्ध मधु नेपालीलाई मंगलबार आर्थिक सहयोग प्रदान गरिएको छ ।
मनीताको विशेष सकृयतामा विभिन्न राष्ट्रिय टिमका खेलाडीबाट संकलित ५५ हजार ७ सय ७० रुपैयाँ उपचार खर्च सहयोग स्वरुप नेपालीलाई प्रदान गरियो ।

आर्थिक सहयोग गर्नेहरुमा तेक्वान्दोबाट ८ हजार ८ सय, बक्सिङबाट ५ हजार ५०, एथलेटिक्सबाट ४ हजार ८ सय, जुडोबाट ७ हजार २ सय २०, ब्याडमिन्टनबाट ४ हजार २ सय, फुटबलबाट ११ हजार, करातेबाट ५ हजार ७ सय, उसुबाट ८ हजार तथा क्योकुसिनका संस्थापक सिहान जगतप्रसाद गौचनबाट १ हजार रुपैयाँ रहेको छ ।
नेपालीको फोक्सोमा पीप जमेका कारण शल्यक्रिया गर्नु पर्ने भएको छ । हाल वीर अस्पतालमा उपचार गराइ रहेको नेपालीको शल्यक्रिया गर्न २ लाख ५० हजार खर्च हुने बताइएको छ । नेपाली कान्छी बहिनी अनु घिमिरेका साथमा बसिरहेका छन् ।