पूर्वाञ्चलमा हुने सातौं राष्ट्रिय खेलकुद– २०७२ को पूर्व सन्ध्यामा हुने मध्यमाञ्चल क्षेत्रीय छनोट प्रतियोगिताका विषयमा छलफल गर्न मध्यमाञ्चल क्षेत्रीय खेलकुद विकास समितिले शनिबार क्षेत्रीय गोष्ठी आयोजना ग¥यो ।
सातदोबाटोस्थित अन्तर्राष्ट्रिय खेलकुद परिसरमा भएको एकदिने गोष्ठीमा समिति मातहतका विभिन्न जिल्ला खेलकुद विकास समितिका अध्यक्ष र कार्यालय प्रमुखहरुको सहभागिता थियो ।
सो अवसरमा भूकम्पपछि जिल्लाको खेलकुदका भौतिक पूर्वाधारको अवस्था, क्षेत्रीय प्रतियोगितालाई सफलतापूर्वक र व्यवस्थित रुपमा सम्पन्न गर्नेलगायतका विषयमा छलफल भएको आयोजक समितिका सदस्य उमेश केसीले जनाएका छन् ।
क्षेत्रीय छनोट प्रतियोगिताको स्थानका विषयमा छलफल गर्न आइतबार समितिको बैठक बस्ने केसीले जानकारी गराए । गोष्ठीको युवा तथा खेलकुद मन्त्री पुरुषोत्तम पौडेलले एक कार्यक्रमबीच उद्घाटन गरेका थिए ।