भानुभक्त मेमोरीयल उच्च माध्यामिक बिद्यालयले स्वर्ण जयन्तीको अवसरमा शनिवार देखि सप्ताहिक खेलकुद मोहत्सव आयोजना गर्ने भएको छ । पानीपोखरी स्थित आयोजक भानुभक्त बिद्यालयका संचालक समितिका अध्यक्ष प्रेमवहादुर श्रेष्ठ रंजितले बिहिवार पत्रकार सम्मेलनमा प्रतियोगिताको अन्तिम तयारी पुरा भएको जानकरी गराएका छन् । माघ २ देखि ९ गतेसम्म संचालन हुने खेल मोहत्सवमा बिद्यालयस्तरीय बास्केटबल र टेबलटेनिस प्रतियोगिता हुने अध्यक्ष रंजितले जनाए । स्वर्ण महोत्सवको अवसरलाई भब्य बनाउन बिद्यालयकै कक्षागत बिद्यार्थीहरुबीच क्रिकेट तथा फुटवल प्रतियोगिता सञ्चालन हुने अध्यक्ष रंजितले जनाए ।
प्रतियोगिताको उद्घाटनका अवसरमा बिद्यालयका पूर्व बिद्यार्थी, अबिभावक लगायत समाबेस गराएर दौड प्रतियोगिता आयोजना गरिने बिद्यालयका प्रधानमध्यापक प्रेम प्रसाद कडेँलले पत्रकार सम्मेलनमा बताए । पानीपोखरीबाट नारायणगोपाल चोक हुदै सोही रुट फिर्ता हुनेगरि ३ किलोमिटरको सडक दौड सञ्चालन हुनेछ । उद्घाटनका अवसरमा कराँते डेमोस्टे«सन पनि हुनेछ । मोहत्सवको उद्घाटन सागका किर्तिमानी धावक बैकुन्ठ मानन्धरले गर्नेछन् ।