भानुभक्त मेमोरीयल उच्च माध्यामिक बिद्यालयले राष्ट्रिय खेलकुद परिषदका उपाध्यक्ष एवंम् नेपाल ओलम्पिक कमिटिका महासचिव लामा टेण्डी शेर्पालाई शनिवार सम्मान गरेको छ । भानुभक्त मेमोरीयल उच्च माध्यामिक बिद्यालयको स्वर्ण जयन्तीको अवसरमा पूर्व बिद्यार्थीको हैसियतमा शेर्पालाई सम्मान गरेको हो । “तपाई लामा टेण्डी शेर्पा नेपाली खेलकुदको गौरवमय संस्था राष्ट्रिय खेलकुद परिषद्को उपाध्यक्ष,नेपाल ओलम्पिक कमिटिको महासचिव तथा नेपाल बास्केटबल संघको अध्यक्ष पदमा आसिन रहदै नेपाली खेलकुदको बिकास र बिस्तारमा उल्लेखनिय भूमिका निर्भाह गरि रहनु भएकोमा हाम्रो प्रतिष्ठित शैक्षिक संस्था गौरवान्वीत भएको छ । ” बिद्यालय संचालक समितिका अध्यक्ष प्रेमवहादुर श्रेष्ठ रञ्जित र प्रधानमध्यापक प्रेम प्रसाद कडेँल हस्ताक्षरित सम्मान–पत्रमा उल्लेख छ । उपाध्यक्ष शेर्पाले २०४५ सालमा भानुभक्त मेमोरीयल उच्च माध्यामिक बिद्यालयलबाट प्रवेशिका परिक्षा उत्रिण गरेका थिए ।